WUTAH GETIHKU

Gumelar jembar bumi asri

Sumunar sumringah sunare baskoro

Padang sumilak hanelahi jagad nuswantoro

Bumi pusaka wus kawentar

ombak-ombak samudra ,kencana kang ngrenggani

wutah getihku dak tresnani

Kawulamu........

guyub rukun anambut kardi

jroning swasana tentrem lan merdeka

Gilinging tekad manunggal

Cumitak jroning ati

Bebarengan ambangun.

Aku lilo....

korban jiwa raga kanggo bumiku